الحفلة اثناء الصلاة

يا جماعة القصة دي اتكررت اكتر من مرة في المسعودية
لي درجة أنها كادت تصبح ظاهرة
‏ ‏_
زمان كانت الحفلات بتقيف في وقت الصلاة لغاية ما الصلاة تنتهي
‏_‏
لكن بقى عاااادي جدا" الحفلة تكون شغالة والناس يصلوا "في نفس الوقت"
حتى إذا الحفلة في بيت قريب من المسجد
‏"انت في الصلاة تكون سامع صوت الحفلة و سامع قراءة الإمام في نفس الوقت"
و الناس القريبين من المسجد بكونو سامعين قراءة الإمام من المسجد و الموسيقى والغناء من الحفلة!!
‏_‏
أين حرمة وقدسية بيوت الله وكلام الله؟؟؟!!!

العيب ياعزالدين اخوى فينا كلنا بقينا سادين دى بى طينة ودى بعجينة ..
المصيبه الاكبر انو الناس بتتكلم الشى غلط لكن مافى اى زول جايب خبر .. الحال فى حالو .. آذان فى مالطة .. الله يسهل ..
لكن تعالو معاى يوم نتناقش فى موضوع الجامع ذاتو ..
ياخ مؤزنيين الجوامع التمانيه فى المسعوديه قدر ما العلماء يقولو ليهم بعد الاذان ماورد عن الرسول ( ص ) اى دعاء برضو الحال فى حالو زول بجيب خبر مافى وواحدين كمان بدعو لى نفسم عبيدك فلان وعلان وكلام ما انزل الله به من سلطان ..
والله ياجماعة الدين فى المحك والناس دايرا شغل ودايرا يزول يتكلم ويتكلم ..
عموما نسأل الله السلامه